Merkataritza elektronikoan gure leialtze-estrategia nola diseinatu (online)
Onlineko merkatuan, bezeroak erakartzeko dagoen lehia izugarria da; beraz, gure ahaleginak errentagarri egin nahi baditugu, leialtze-estrategia bat prestatu behar dugu.
“Estudio sobre la conversión en negocios digitales” ("Negozioak digital bihurtzeari buruzko ikerketa") azterlanaren arabera, errepikatzen duten erabiltzaileek batez beste % 2,12 bihurtzen dute, eta erabiltzaile berriek, berriz, % 0,73.
Jardunaldi honetan, Patricia Alonso leialtzearen alorreko adituak leialtzearen onurei eta berak izan dituen benetako kasuei buruz hitz egingo digu, eta gure leialtze-estrategia zehazteko prozesuan gidatuko gaitu. Adolfo Dominguezek bere DNA ekosistema merkaturatu du aurten, bere bezeroengandik are hurbilago egoteko zerbitzu multzoa, fidelizazio-estrategietan aurrera eginez. Patricia, gaur egun, Adolfo Domínguez-eko Global Marketing & Ecommerce-ren zuzendaria da. Lehenago, ONOrentzat eta Cortefiel taldearentzat lan egin zuen Loyalty and Customer Intelligence Manager gisa.
Jardunaldi hau ZOOM bideokonferentzia-plataformaren bidez emango da online.
Edukiera mugatua.
Norentzat
- Merkataritza elektronikoan oinarritutako ideiaren bat duten negozio-kudeatzaileak, edo merkataritza elektronikoko negozioren bat daukaten eta hura hobetu nahi dutenak.
- Interneterako jauzia egiten ari diren edo epe ertainera egitea aurreikusten duten negozio fisikoen jabeak edo haietako langileak.
- Merkataritza elektronikoaren inguruan lan egiten duten edo horretan espezializatzen ari diren profesionalak: marketerrak, teknikariak, web-kudeatzaileak...
- Merkatu nazionalera eta/edo nazioartekora iristeko ikuspegia duten merkataritza elektronikoko jabeak
Edukia:
- Kontzeptualizazioa, leialtzea eta salerosketa-inbutuaren berrikuspena (ikustea nola leialtzea den fluxuaren azken urratsa).
- Bezeroak leialtzea - Zergatik da garrantzitsua?
- Leialtzea CRMetan. Definizioa eta helburuak
- Estrategia: automatizazioa, datuak, kanalak
- Gomendatutako ekintzak eta teknikak
- Errendimendu-adierazle nagusiak (KPI) eta tresnak
Hizlaria
Konfirmatzeke.
Informazio gehigarria
Jardunaldi hau merkataritza elektronikoaren kudeaketari lotuta egin den prestakuntza-ibilbideko proposamen bat da eta beste ekitaldi hauek ere ibilbide horren barruan daude:
- Nola definitu zure merkataritza elektronikoaren negozio-estrategia
- Negozio-estrategiatik praktikara: nola diseinatu zure merkataritza elektronikoaren emaitzen kontua
- Nola jarri ikusgai eta saldu AMAZONen
- Merkataritza elektronikorako marketina: nola definitu eta ebaluatu gure SEO estrategia
- Interneteko denda bat diseinatzeko funtsezko alderdiak eta hura garatzeko aukera teknologikoak
- Merkataritza elektronikorako marketina: nola landu gure ADS estrategia
- Sare sozialak merkataritza elektronikoan
- Logistika eta nazioartekotzea merkataritza elektronikoan
- Merkataritza elektronikorako web-analitika
- Merkataritza elektronikoaren funtsezko alderdi juridikoak
- Prestakuntza-ibilbideko itxiera (laster)
Ibilbide horretan enpresa ezberdinetako 10 profesionalek parte hartzen dute, guztiak Ecommerceko proiektuetan aktibo.
Koordinatzailea
Amaia García Dosouto, No te pierdas en las redes.
