Sare sozialak merkataritza elektronikoan (online)
Sare sozialak gero eta garrantzi handiagoa hartzen ari dira bezeroak erakartzeko, konektatuta egoteko eta gure salmentak bultzatzeko kanal gisa. Are gehiago, iragarri da gutxi barru ordainketak egin ahal izango direla Facebook, Instagram eta WhatsApp bidez; beraz, salmenta zuzeneko kanal bihurtuko dira. Sare sozialak behar bezala daude sartuta zure merkataritza elektronikoko estrategia komertzialean?
Ikastaro honek teoria eta praktika uztartuko ditu, sare sozialetan zure salmenta-estrategia zehazten laguntzeko: Google My Business, Facebook, Instagram, WhatsApp, YouTube eta TikTok gazteena. Ikusiko dugu nola definitu gure edukiak eta nola konbinatu ekintza organikoak eta ordainpekoak gure bezeroengana iristeko.
Ikastaro honetan, Amaia Caballerok, Fitnessdigital enpresako marketineko buruak (Espainiako kirol-ekipamenduaren eCommerce-ko erreferentzietako bat, 10 urtetik gorako ibilbidea duena), sare sozialak norantz eboluzionatzen ari diren azalduko du, eta urratsez urrats erakutsiko digu nola diseinatu behar dugun gure negozio elektronikoaren sare sozialetarako estrategia, prozesu horretarako Fitnessdigital-en adibidea erabiliz. Azkenik, alderdi teknikoenei buruz jardungo du; funtsezkoa da horiek ondo antolatuak izatea, sareen bidez salmentak errazago egiteko.
Norentzat
- Merkataritza elektronikoan oinarritutako ideiaren bat duten negozio-kudeatzaileak, edo merkataritza elektronikoko negozioren bat daukaten eta hura hobetu nahi dutenak.
- Interneterako jauzia egiten ari diren edo epe ertainera egitea aurreikusten duten negozio fisikoen jabeak edo haietako langileak.
- Merkataritza elektronikoaren inguruan lan egiten duten edo horretan espezializatzen ari diren profesionalak: marketerrak, teknikariak, web-kudeatzaileak...
- Merkatu nazionalera eta/edo nazioartekora iristeko ikuspegia duten merkataritza elektronikoko jabeak.
Tailerra emateko formatua:
1. Zoom tresnaren bidezko online prestakuntza
2. 15 lagunentzat mugatua
3. Ikastaroko orduez gain, parte-hartzaileek orientazio/feedback pribatuko 30 minutu gehiago har ditzakete, aukerakoa eta doakoa, hezitzailearekin.
Egitaraua
- Non gauden eta norantz goazen sare sozialetan. Joerak.
- Sare sozialek gure ekosistema digitalean betetzen duten lekua.
- Nola diseinatu sare sozialetarako estrategia bat, zure negozio elektronikoaren estrategia orokorrarekin lerrokatuta dagoena eta nola aktibatu negozioari gehien egokitzen zaizkion sareetan.
- Bideo-estrategia sare sozialetan.
- Tresna interesgarriak eta adimen artifiziala (AA), sareak diseinatzeko, aktiboki entzuteko eta kudeatzeko. Tresna horiek lana eta gure bilakaeraren azterketa errazten digute.
- Ordainketa-kanpainak eta sare sozialen integrazio erabilgarriak gure ecommercen.
Informazio gehigarria
Jardunaldi hau merkataritza elektronikoaren kudeaketari lotuta egin den prestakuntza-ibilbideko proposamen bat da eta beste ekitaldi hauek ere ibilbide horren barruan daude:
- Merkataritza elektronikoko negozio-ereduak
- Marketineko estrategia eta aurrekontua merkataritza elektronikoan
- Logistikaren eta nazioartekotzearen erronkak merkataritza elektronikoan
- Fidelizazioa Merkataritza elektronikoan, Adolfo Dominguezen kasua
- Nola aukeratu teknologiarik onena merkataritza elektroniko baterako
- Merkataritza elektronikoaren funtsezko alderdi juridikoak
- Negozio-estrategiatik praktikara: nola diseinatu zure merkataritza elektronikoaren emaitzen kontua
- Merkataritza elektronikorako marketina: nola landu gure Ads estrategia
- Merkataritza elektronikorako web-analitika
Ibilbide horretan enpresa ezberdinetako 9 profesionalek parte hartzen dute, guztiak e-commerceko proiektuetan aktibo.
Koordinatzaileak
Amaia García Dosouto, No te pierdas en las redes.
