Interneteko denda bat diseinatzeko funtsezko alderdiak eta hura garatzeko aukera teknologikoak (Online)
Gure Interneteko dendaren bisitak salmenta bihurtzea lortu nahi badugu, funtsezkoa da bezeroak nahi dugun lekura eramango dituen diseinu on batean inbertitzea. Prozesu kontzeptual eta teknikoa da, eta gure salmenta-prozesuan tirabirak eta kostuak gutxitzea du helburu. Prozesu hori berezia da negozio-eredu bakoitzean, baina, jardunaldi honetan, gure webgunearen diseinuan aplika ditzakegun gomendio orokorrak ikusiko ditugu, bai eta hobetzeko alderdiak identifikatzeko hausnarketa egokia egiteko tresnak ere.
Jardunaldian, Iván Cayuelasek eta Andrés de Españak azalduko digute diseinuari eta erabilgarritasunari dagokienez zer baldintza bete behar dituen Interneteko denda batek erosketa-esperientzia egokia izan dadin. Adibideen bidez, ikusiko dugu zer egin behar den eta zer ez onlineko salmentaren abiada moteltzen duten ohiko arazoak konpontzeko.
Bestalde, gure onlineko denda sortzeko merkatuan dauden aukera teknologiko nagusiak errepasatuko ditugu, haien alde onak eta txarrak ikusiko ditugu, eta aztertu egingo ditugu, ulertzeko zein kasutan den interesgarria halako edo bestelako plataforma bat erabiltzea.
Jardunaldi hau ZOOM bideokonferentzia-plataformaren bidez emango da online.
Edukiera mugatua.
Hizlaria
Iván Cayuelas UI/UX diseinatzaile oso aditua da ecommerce erabiltzaile-esperientziaren esparruan, diseinatutako 60 proiektu baino gehiago ditu eta interfazeen diseinuan eta prototipoetan prestakuntza sendoa du. 3dids.com-en egindako ibilbidean, ezagutza zabala garatu du erabilgarritasunari eta analisi heuristikoei dagokienez. Webinarrean hizlari gisa, ecommerce-ko erabiltzailearen esperientzia hobetzeko esperientzia eta ezagutzak partekatuko ditu, eta bertaratutakoei informazio baliotsua eta praktikoa emango die, beren proiektuetan aplikatzeko.
Andrés de España transformazio digital seniorreko aholkularia da, 20 urteko esperientzia duena Internet bidezko negozioen garapenean eta taldeen eta erakundeen kudeaketan, bai ABE mailan, bai marketinean eta aldaketa-prozesuetan. 3dids.com-en CEO sortzailea
Norentzat
- Merkataritza elektronikoan oinarritutako ideiaren bat duten negozio-kudeatzaileak, edo merkataritza elektronikoko negozioren bat daukaten eta hura hobetu nahi dutenak.
- Interneterako jauzia egiten ari diren edo epe ertainera egitea aurreikusten duten negozio fisikoen jabeak edo haietako langileak.
- Merkataritza elektronikoaren inguruan lan egiten duten edo horretan espezializatzen ari diren profesionalak: marketerrak, teknikariak, web-kudeatzaileak...
- Merkatu nazionalera eta/edo nazioartekora iristeko ikuspegia duten merkataritza elektronikoko jabeak
Informazio gehigarria
Jardunaldi hau merkataritza elektronikoaren kudeaketari lotuta egin den prestakuntza-ibilbideko proposamen bat da eta beste ekitaldi hauek ere ibilbide horren barruan daude:
- Nola definitu zure merkataritza elektronikoaren negozio-estrategia
- Negozio-estrategiatik praktikara: nola diseinatu zure merkataritza elektronikoaren emaitzen kontua
- Nola jarri ikusgai eta saldu AMAZONen
- Merkataritza elektronikorako marketina: nola definitu eta ebaluatu gure SEO estrategia
- Merkataritza elektronikorako marketina: nola landu gure ADS estrategia
- Sare sozialak merkataritza elektronikoan
- Logistika eta nazioartekotzea merkataritza elektronikoan
- Merkataritza elektronikorako web-analitika
- Merkataritza elektronikoaren funtsezko alderdi juridikoak
- Merkataritza elektronikoan leialtze-estrategia
- Omnikanalitaterako bidea Forum Sport-en
Ibilbide horretan enpresa ezberdinetako 10 profesionalek parte hartzen dute, guztiak Ecommerceko proiektuetan aktibo.
Koordinatzailea
Amaia García Dosouto, No te pierdas en las redes.
