Sare sozialerako irudi eta bideoak hobetu
Ikasi bezero potentzialak lortzeko estrategia on bat sortzen sare sozialen bitartez: hobetu zure argazkiak eta bideoak; identifikatu antzeko sare sozial interesgarriak; ikusi zein argitalpen diren arrakastatsuenak zure jarraitzaileen artean; aurreztu denbora edukia programatuz; mugikorrarekin argazki eta bideoak editatzeko gomendioak.
"Tolosaldeko TIC Astea-ren" hamairugarren edizioaren baitan antolatutako ikastaroa, LEHIBERRIk -Tolosaldeko Lehiakortasun eta Berrikuntzarako Foroa- eta ENPRESA DIGITALAk antolatuta. Ekimen honen helburua da, TIK-IKT erreminten erabilpena sustatzea Tolosaldeko enpresa sarean; banakako enpresari, enpresa txiki eta ertainez osatua dagoen sarean.
Nori zuzendua
Hiritarrak, ikasleak, langileak, langabeak, profesionalak, direktiboak eta enpresariak.
Formatzailea nor da
Mondragón Unibertsitateko (MU) Ingenieritza Fakultateko eta Informatika Saileko irakasle eta adituak.
Informazio gehiago jaso nahi baduzu edota izena emateko, web orri hau bera erabili, edota lehiberri@tolosaldea.eus / telefonoa 943 654 501.
"Ekitaldian zure segurtasuna bermatzeko hartutako COVIDaren aurkako neurriak"
COVID-19ak eragindako osasun-krisiari aurre egiteko beharrezko prebentzio-neurriekin lotuta, Osasun sailburuak 2020ko abuztuaren 19an onartutako AGINDUAN jasotako irizpideen arabera:
- Parte-hartzaile bakoitzari homologatutako FFP2 maskara bat emango zaio. Maskara hori nahitaez eta uneoro erabili beharko da eraikinaren gune guztietan.
- Bilera-aretoak erabiltzeko garaian, bertaratutakoen artean 1,5 metroko distantzia bermatu beharko da.
- Parte-hartzaileek eskuragarri izango dituzte gel hidroalkoholikoak.
- Ekitaldira bertaratutakoen artean objektuak ez partekatzea gomendatzen da.
