Europako identitate digitala. Nondik gatozen eta nora goazen
eIDAS1 Araudia onartu zenean, haren helburuetako bat estatu kideek eta konfiantzazko zerbitzu-emaile berriek emandako identifikazio-baliabideek haren erabilera eta elkarreragingarritasuna Europar Batasuneko edozein herrialdetan baimentzea zen. Helburua ez zen lortu. Ez zen lortu, adibidez, Alemaniako Administrazioaren aurrean Espainiako NAN batekin kudeaketak egitea, nahiz eta eIDAS1 delakoak goratze-bidean den konfiantza-zerbitzuen merkatua sortu zuen (ziurtagiri digitalen igorpena, enpresa-zigiluak, denbora-zigiluak edo entrega elektroniko ziurtatua), eta, nazio-mailan gainbegiratutako hirugarren parteko adostasun-ebaluazioaren eskeman oinarrituta egoteari esker, zerbitzu-emaileek baliozko edozein herrialdetan erabil ditzakete.
COVID-19ak agerian utzi zuen aspalditik mahai gainean zegoen zerbait, hau da, inguru digitaletan ustezko identitate-ereduetatik identitate sendoetara pasatzeko beharra, adibidez: patinete bat alokatzea edo adinez nagusia izatea eskatzen duen lokal baten sarreran identifikatzea. Gainera, identitate digital hori erabilgarria eta baliagarria izan behar zuen. Honek inklusio digitala eta eskuragarritasuna sustatzen ditu, eta Europako herritar guztiei aukera ematen die nortasun digital bakarra eta segurua izateko, eta, gainera, pribatutasun lehenetsia duena. Azken horrek zerbitzu publiko eta pribatuetarako sarbidea errazten du, eta prozesu askoren eraginkortasuna eta gardentasuna hobetu.
Aurrerapen hori eIDAS2 Araudiaren proposamenean gauzatzen da eta Europako identitate-walletaren erabilera aurrerapausotzat hartzen da. Garapen horiek integrazio eta erabilerraztasun handiagoa ematen dute eta erabiltzaileei aukera ematen diete beren identitate eta kredentzial digitalak kontrol eta malgutasun handiagoarekin kudeatzeko. Prozesua funtsezkoa da segurtasun zibernetikorako ez ezik, baita hazkunde ekonomikorako ere, merkataritza elektronikoa sustatu eta aukera berriak eskaintzen dizkiolako datuetan oinarritzen diren enpresei eta startupei. Europako identitate digitala, beraz, ez da tresna teknologiko hutsa, Europaren etorkizun digital eta ekonomikorako funtsezko oinarria baizik.
Programa
- eIDAS1 eta eIDAS2 Erregelamenduen arteko berrikuntza eta desberdintasun nagusiak: identifikazio digitaleko sistemak eta konfiantzazko zerbitzuak.
- Europar identitatearen walleta: nola, noiz eta non.
- Wallet digitalaren erabilera-kasuak eta datuetan oinarritutako startup-tan duen inpaktua.
- Atributuen atestazioak (egiaztatutako kredentzialak): zer diren eta zertarako balio duten.
- Onboarding digitaleko zerbitzuak.
- Zein da egoera Euskadin (Izenpe, NIK Patrika Digitala)?
- BakQ: identifikazioaren eta sinaduraren giltza nagusia Euskadin (eIDAS compliant)
- NIK Patrika Digitala proiektua:
egiazta daitekeen kredentzialaren kontzeptua ezartzeko proiektua, datuak modu seguruan trukatzeko kanal bat emanez, Euskadiko administrazio publikoek erabil dezaketena.
- Q&A
Hizlaria
Paloma Llaneza. Gaur egun abokatua da, sistemen auditorea, zibersegurtasuneko aholkularia eta pribatutasunean, datuen babesean, zuzenbide informatikoan, zibersegurtasunean eta segurtasun informatikoan aditua. Adituen taldeko kide izendatu zuten, Ekonomia Gaietarako eta Eraldaketa Digitalerako Ministerioaren menpeko den SEDIA erakundean Eskubide Digitalen Gutuna egiteko. 2020an, enpresa-jardunbide egokien saria jaso zuen Datuak Babesteko Espainiako Agentziaren Datuak Babesteko 2020 Sarietan.
Talia Besga: Izenpeko Aholkularitza Juridikoko arduraduna
Raquel Garay: Izenpeko Betetze eta Proiektu Estrategikoen Arloko arduraduna
Oscar Guadilla: Eusko Jaurlaritzako Informatika Elkarteko Berrikuntza arduraduna (EJIE)
