Diseinatu kanban taulak zure proiekturako (online)
Tailer honetan, zure proiektuak eta zerbitzuak kudeatzeko kanban taula diseinatuko duzu; harekin, egoera erreala bistaratuko duzu, eta atzerapenik ez izateko eta bezeroen itxaropenak bete gabe ez uzteko erabaki egokiak hartu ahal izango dituzu.
Tailer hau ZOOM bideokonferentzia-plataformaren bidez emango da online.
15 lagunentzat mugatua.
Zer ikasiko eta biziko duzu tailer honetan?
Hau ikasiko duzu tailerrean:
- Kanban sistema bat diseinatzen eta zure proiektu eta zerbitzuetako lanak kudeatzeko egoki erabiltzen.
- Proiektu baten lan-fluxuak, lan-motak eta lanaren uneko egoera bistaratzen.
- Lehentasun-mailak argi zehazten.
- Proiektu eta zerbitzuen lan-fluxua kudeatzeko politikak definitzen.
Gaiak eta helburuak
Tailer interaktiboa da. Parte-hartzaile bakoitzak bere kasua landuko du. Tailerra bukatzean, kanban sistemaren diseinua izango du bakoitzak, eta hurrengo egunetik bertatik erabili ahal izango du bere proiektuak eta zerbitzuak kudeatzeko.
Hona hemen tailer honen aurretiko gai-zerrenda:
- Ikusizko kudeaketa kanban sistemekin (panelak)
- Lan-fluxua diseinatzeko oinarrizko praktikak
- Kanban ezartzeko pentsamendu sistemikoa erabiltzea (STATIK - Systems Thinking Approach to Introducing Kanban)
- Kanban kudeaketarako tresnak
Norentzat
- Arduradunak eta erdi-mailako arduradunak
- Proiektu- eta zerbitzu-buruak
- Kanban metodologia bere lan-eremuan aplikatuz arinki kudeatzeko interesa duten taldeetako kide oro, edozein dela ere lan-eremua: proiektuen kudeaketa, zerbitzuak, bulego teknikoa, produktuen garapena, eragiketak, fabrikazioa, merkataritza- eta administrazio-sailak, etab.
Hizlaria
Teodora Bozheva
- Kanbaneko trebatzaile eta aholkulari akreditatua, Kanban Unibertsitateak 2013az geroztik ziurtatua. Espainian, Europan eta Estatu Batuetan jarduten du enpresak eta profesionalak Kanban metodologian trebatzen.
- Kanban erabiltzen duten enpresei laguntzen die, beren proiektu eta zerbitzuen kudeaketa hobetzen eta haien arintasuna garatzen.
- Sektore hauetan lan egin izan du: softwarearen garapena, IT zerbitzuak, banka, aseguruak, industria, osasun publikoa...
- Kanban Maturity Model: A map for organizational agility, resilience and reinvention liburua idatzi zuen David J. Andersonekin batera.
