Datu-arkitektura aro digitalean: industria-produktibitatea handitzeko eta hobetzeko azpiegiturak
Datu gobernatuaren ekosistema bat ezartzeko beharra handitzen ari da erakundeetan, datuak erakundeentzat funtsezko informazio-aktibo gisa erabiltzen ari direlako eta Adimen Artifiziala (AA) agertu delako. Ekosistema horretan pertsonek eta analisi-sistemek eta -eragileek datuak erabiltzeko eta ustiatzeko ahalmena izan behar dute.
Egun, konpainien % 70 baino gehiago ari dira datuak prestatzeko proiektuak lehenesten, eta kontuan hartzen dute datuaren kalitatea, datuen gobernantza eta analitika deskribatzailea eta preskriptiboa aplikatuta balioa lortzeko behar duten sistema-arkitektura.
Jardunaldi honetan, datu-arkitektura eskalagarri bat aurkeztuko da, industria-sektorera bideratua, Smart Factory kontzeptuan oinarritua eta 4.0 Industria deritzonaren barruan sartua. Smart Factory arkitektura baten osagai nagusietako bat da IIoT (Industrial Internet of Things). Horrek aukera ematen du fabrikako gailu eta aktiboen datuak (OT) eta kudeaketa industrialeko sistema informatikoen (IT) datuak eskuratu eta ustiatzeko. Egun industria-inguruneetan erabiltzen diren teknologiak integratzen ditu (SCADA, MES, ERP), eta mota guztietako datuak (egituratuta daudenak, ez daudenak eta tartekoak) analizatzeko gaitasuna eskaintzen die erakundeei.
Arkitektura horren erabilgarritasuna aztertzeko, kontuan hartuko dira, halaber, hodei publikoaren gaitasunak (hyperscalers), hodei natiboetan oinarritutako on-premise ezarpenak eta arkitektura hibridoak, datuak modu eraginkorrean kudeatzeko.
Azkenik, kostuak murrizteko eta denbora errealeko analisi-ahalmena hobetzeko manufaktura-sektorearen adibideak erakutsiko dira.
Helburuak
- IoT-ren (Internet of Things) ikuspegia eta helburuak aurkeztea, IIoT-ri (Industrial Internet of Things) dagokionez
- Instalazio industrialek Automated Factorytik Smart Factoryra izan duten bilakaera deskribatzea
- Industrian OTen konektagarritasunerako erronka eta irtenbideak erakustea
- Zibersegurtasuna Smart Factoryetan, IIoT esparruan
- Datuak analizatzeko arkitektura, Smart Factoriesen IIoT-ren barruan
- Cloud irtenbideak, On-Premise (Cloud Native) irtenbideak eta irtenbide hibridoak Smart Factoryetarako
- Smart Factoryen erabilera-kasuak.
Nori zuzendua
Batez ere, industria-sektoreari. IT/OTko arduradunak, fabrikazio-instalazioetako zuzendariak, datuen arduradunak, zuzendaritza nagusiak, eraldaketa digitaleko zuzendaritzak, datuak eskuratzeko eta prestatzeko plataformak eta metodologiak esploratzen ari direnak, industria-prozesuei analitika prediktiboa eta preskriptiboa aplikatzeko eta enpresaren produktibitatea hobetzeko lanean ari direnak.
Hizlaria
Aitor Artola - Teknologien eta Produkzioaren zuzendaria Datu(a)n.
25 urte baino gehiagoko esperientzia datuen kudeaketan eta analisi aurreratuan eta Big Datan, hainbat sektoretan: Ecommerce, telekomunikazioak, zibersegurtasuna, industria eta retail...
Mondragon Unibertsitatean Ingeniaritza Industrialeko ikasketak egin ondoren, hainbat herrialdetan (Irlanda, Alemania, Erresuma Batua) eta enpresa teknologiko multinazionaletan egin du lan, hasiera batean garapen eta sistemetako teknikari gisa, eta proiektu teknologiko handien kudeaketara bideratutako jardueretara eboluzionatu du, analisi, arkitektura, egikaritza eta taldeen zuzendaritzatik abiatuta.
2022an, duela gutxi sortutako Datu(a) enpresan sartu zen, teknologien eta ekoizpenaren zuzendari gisa, eta haren hazkundean parte hartu zuen. Gaur egun, Datu(a)n jarraitzen du lanean.
