Datutik ekintzara: hazkunde jasangarria merkataritza elektronikoaren 3.0 aroan
Aurrez aurreko ekitaldia Donostian, negozioa buru argiz, ikuspegi egokiarekin eta ondo aplikatutako teknologiarekin eskalatu nahi duten merkataritza elektronikoko liderrentzat.
Jardunaldi esklusibo horretan, aztertuko da adimen artifiziala eta datuak nola ari diren eraldatzen merkataritza elektronikoaren kudeaketa eta bezeroaren esperientzia. Ikasi Marta Gil eta Pascual Parada erreferentziengandik, eta inspiratu gertuko kasu arrakastatsu batekin: Sibari Republic. Parte hartu, elkarrizketa ireki batean, 3.0 merkataritza elektronikoaren erritmoa daramatenekin.
Zer datorren ikusteko ekitaldia... bai eta erantzun baliagarriak eskuratzekoa ere.
Egitaraua
9:00 Parte-hartzaileen harrera
9:30 Datuak era bezeroaren esperientzia: nola lehiatu 3.0 mundu batean
Marta Gil - Chief Marketing Officer (CMO) & Chief Digital Officer (CDO)
10:30 Merkataritza elektronikoaren etorkizuna: adimen artifiziala hazkunde esponentziala lortzeko
Pascual Parada - Neogeneralista, Berrikuntza, Teknologia eta Kognizioan aditua
11:30 Atsedenaldia + kafea
12:00 Sibari Republic
13:00 Elkarrizketa irekia
Hizlariak:
Marta Gil
Erreferentea da marketinean, komunikazioan, merkataritza elektronikoan eta eraldaketa digitalean, eta esperientzia handia du CMO & CDO gisa Conforama, BricoDepôt, Grupo CaixaBank, publizitate agentzia, negozio digitaleko aholkularitza eta halako txikizkarietan. Gaur egun, MKT, Komunikazioa eta Digitala arloak zuzentzen ditu Auralen. Osasun-txikizkari hori liderra da bikaintasun audiologikoan: 700 audiologia-kontsulta baino gehiago ditu Espainian eta Latinoamerikan, eta 45 urteko historia. CMO Onenaren saria eta 2023ko Woman Leader Marketin saria jaso ditu. Izaeraz asmo betea izanik, Women in Retail (Wir) elkarteko Txikizkako Eraldaketa Digitaleko Batzordeko zuzendarikidea da, Chiefseko head of speaking, eta irakaslea eta speakerra zenbait negozio- eta ekitaldi-eskolatan. Esperientzia du aholkulari gisa eta B2C eta B2B negozio-lerroak dituzten hainbat sektoretan, eta horrek ematen dion ikuspegi zabalari esker, merkatua eta aukerak ikuspuntu ugaritatik ulertzen lagunduko digu.
Pascual Parada
Erreferentea da berrikuntza eta eraldaketa digitalean. 15 urte baino gehiagoko esperientzia du aholkularitza estrategikoan, adimen artifizialean eta negozio-eredu digitaletan. IEBS Digital Schooleko zuzendari akademikoa eta berrikuntzakoa izan da, non AAko prestakuntza-metodologien garapena gidatu baitzuen, bai eta negozio digitalen kudeaketa ere. Gainera, AA sortzaileko eta datuen zientziako proiektuak diseinatu eta inplementatu ditu zenbait erakundetan. Ekonomia eta Enpresan doktorea da, eta prestakuntza du adimen artifizialean, enpresen administrazioan eta ingeniaritza informatikoan. Estrategian, merkataritza elektronikoan eta AA aplikatuan duen esperientziak ahots ezin hobea bihurtzen du merkataritza digitalaren etorkizuna inspiratzeko.
Sibari Republic
Gasteizko goi-mailako kosmetika enpresa bat da, eta, azken 5 urteetan, lorpen ugari egin ditu penintsula osoan, bai bere produktuen formula hain eraginkorrei esker, bai bere pop-up dendak eta merkataritza elektronikoa konbinatzen dituen marketin-estrategia hibridoari esker. 2024an % 300 biderkatu zituzten onlineko salmentak, eta minutuko Serum Origin bat saltzera iritsi ziren.
Informazio gehigarria
Jardunaldi hau merkataritza elektronikoaren kudeaketari lotuta egin den prestakuntza-ibilbideko proposamen bat da eta beste ekitaldi hauek ere ibilbide horren barruan daude:
- Merkataritza elektroniko errentagarri eta jasangarri bat eraikitzeko gakoak
- Marketineko estrategia eta aurrekontua merkataritza elektronikorako
- Growth+AI: datuetan eta adimen artifizialean oinarritutako negozio-hazkundea
- Merkataritza elektronikoko fidelizazio-estrategia, Adolfo Dominguezeko Patricia Alonsorekin
Ibilbide horretan enpresa ezberdinetako profesionalek parte hartzen dute, guztiak eCommerceko proiektuetan aktibo.
Koordinatzailea
Amaia García Dosouto, No te pierdas en las redes.
