Sor itzazu soluzio digitalak programatu gabe OpenAI ChatGPTrekin
Etengabe aldatzen ari da mundu digitala, eta adimen artifiziala (AA) kontzeptu futurista izatetik gure eguneroko bizitzako hainbat arlotako funtsezko tresna izatera igaro da. Adimen artifiziala aldatzen ari da teknologiarekin interakzioan aritzeko dugun modua eta eguneroko erronkei aurre egiteko modua. Hala ere, beti izan da erronka teknologia hori programazioan esperientziarik ez dutenentzat eskuragarri jartzea. Hor kokatzen da ikastaro hau.
Zergatik da garrantzitsua ikastaro hau?
AA funtsezko zutabe bihurtu da berrikuntza teknologikoan, hasi bezeroari harrera automatizatua ematetik eta enpresa-erabakiak hartzeraino. Garrantzitsua da, oso, ikastaro hau, beharrezko tresnak eta ezagutzak ematen baitizkizu zerotik programatzen ikasi beharrik gabe soluzio adimendun eta automatizatuak garatzeko. Aukera paregabea eskaintzen dizugu AA demokratizatzeko eta zure sormena beste maila batzuetara eramateko, AAn oinarritutako zeure irtenbideak modu eraginkorrean eta erraz diseinatu, prototipatu eta merkaturatzeko.
Norentzat
Ikastaro hau AAn interesa duten pertsona askorentzat diseinatuta dago: eguneroko lanean AA txertatu nahi duten profesionalentzat eta irtenbide berritzaileak garatu nahi dituzten ekintzaile eta teknozale kartsuentzat. Ez du axola programazioan erabat hasiberria zaren edo aldez aurreko eskarmentua duzun; ikastaro honek AA ahalik eta gehien aprobetxatzeko trebetasunak eta ezagutzak emango dizkizu, kode-lerro bakarra idatzi beharrik gabe.
Eskakizunak
Ez da aurretiko ezagutzarik behar. Dena den, “AA sortzaileko soluzioak Flowise eta ChatGPTrekin garatzearen hastapenak” jardunaldia prestatu dugu, ezagutza emeki eta mailaka eskuratu ahal izateko.
Edukia
- Oinarri sendoak: Hasteko, argi uler itzazu hizkuntza-ereduak, eta aurkitu ezazu ChatGPTren eta AAko beste teknologia batzuen atzean dagoen ahalmena.
- Tresna abangoardistak: Esplora itzazu zeure ideiak eta proiektuak gauzatzeko eskura dituzun tresna berritzaileak, hala nola LangChain eta FlowiseProiektu praktikoak: Aplika itzazu zure ezagutzak proiektu praktiko eta erronken bidez. Murgiltze-.
- ikaskuntzako esperientzia bermatzen dute, eta AAk bultzatutako aplikazio errealak garatzeko aukera ematen dizute.
- AAren eta ChatGPTren etorkizuna: Ezagutu Auto-GPT eta AAren hurrengo horizontea definitzen ari diren abangoardiako beste eredu batzuk eta nola parte hartu iraultza horretan.
Baliatu aukera honetaz ChatGPT eta AAko beste tresna batzuk menderatzeko, horretarako kode-lerro konplexuetan murgildu beharrik gabe. Ikastaro honek mugarik gabeko AAren mundu zirraragarriaren atea zabaltzen dizu.
Programa
- Ikastaroaren sarrera
- Hizkuntza-ereduak: sarrera
- ChatGPT: sarrera
- LLM eta NLPrako tresnak
- AAko aplikazioak garatzea ChatGPTrekin, LangChain-ekin
- ChatGPTrekin aplikazioak garatzea koderik gabe, Flowise-rekin
- Flowise-ren osagaiak
- Flowise-ko proiektu praktikoa (I. partea)
- LLM ereduen entrenamendua
- LLM eredua zure dokumentuekin entrenatzea
- Bektoreen datu-baseak
- Falcon: orain arteko Open-Source eredurik indartsuena
- Open-source ereduak hodeian Replicate-rekin
- Flowise-ren kredentzialak
- Auto-GPT: ChatGPT gainditu zuen adimen artifiziala
- Flowiseko ereduak ekoizten jartzea
- Proiektua, hasieratik amaierara
