RAG: ChatGPT eta hizkuntza-ereduak indartzeko gakoa
Ikastaro hau Berreskuratze bidez areagotutako sorkuntza-sistemen (RAGS) ulermenean eta aplikazioan sakondu nahi duten profesionalei zuzenduta dago. Ikuspegi nagusia RAGSek hizkuntza-ereduetan (ChatGPT, esaterako) edukiaren sorkuntza nola hobetzen duten aztertzea da, ezagutza gehigarria emanez eta eredu horiek hainbat gaitako aditu bihurtuz.
Zer dira RAG sistemak, eta zer garrantzi dute hizkuntza-ereduetan? RAGSak jauzi kualitatiboa dira adimen artifizialean, eta aukera ematen dute ChatGPT bezalako hizkuntza-ereduek informazio-sorta zabala eskuratzeko testua sortzeko prozesuan. Horrek esan nahi du ezagutza eguneratuak eta espezifikoak txerta ditzaketela, hainbat eremutan eredu aditu gisa funtzionatzeko gaitasuna handituz. Ezaugarri hori funtsezkoa da emandako informazioan zehaztasun eta garrantzi handia behar duten aplikazioetarako, laguntza birtual pertsonalizatutik hasi eta negozio-adimeneko soluzioetaraino.
Norentzat
Ikastaro hau aproposa da teknologiaren, adimen artifizialaren, datu-analisiaren eta marketin digitalaren arloko profesionalentzat, baita hizkuntza-ereduen aplikazio aurreratuetan interesa duen edonorentzat ere
Eskakizunak
Ez da behar programazioari buruzko ezagutzarik, No-Code tresna bat erabiliko baita, Flowise. Dena den, “RAG sistemen hastapenak: ChatGPT eta hizkuntza-ereduak indartzeko gakoa” jardunaldia prestatu dugu, ezagutza emeki eta mailaka eskuratu ahal izateko.
Edukia
- RAG sistemen hastapenak, eta hizkuntza-ereduetan duten eragina: RAG sistemek zer elementu gehigarri ematen dizkieten ChatGPT eta gisako ereduei, eta nola tresna zehatzago eta fidagarriago bihurtzen dituzten.
- RAG sistemen printzipioak eta funtzionamendua: informazio garrantzitsua denbora errealean berreskuratzeko arkitekturari eta mekanismoei buruzko xehetasunak.
- Erabilera-kasuak eta aplikazioak: RAG sistemek hizkuntza-ereduen funtzionaltasuna hobetu duten zenbait kasu praktiko, eta sektore batzuetan duten erabilgarritasuna.
- RAG sistemen erronka tekniko eta etikoak hizkuntza-ereduetan: solasaldia zehaztasunean dituzten erronkez, informazioa eguneratzeaz eta gogoeta etikoez.
- Ezarpen-tailerrak: saio praktikoak, RAG sistemak hizkuntza-ereduetan integratzeko esperimentuak egiteko, gaitasun praktikoen garapena azpimarratuz.
