Zure smartphonea, IoT kontrol-zentroa: sortu zure aplikazioak koderik gabe, eta menderatu konektatua duzun mundua
Gauzen Interneten (IoT) ekosisteman, zure smartphonea da gakoa. Tailer honek gonbita egiten dizu mugikorrerako aplikazioen sorkuntzan trebatzeko, haien bitartez aukera izan dezazun informazioa ikusi, alertak jaso, komandoak bidali eta zure IoT gailuen parametroak edozein lekutatik eta edozein unetan doitzeko. Zerikusirik ez programazio tradizionalaren konplexutasunarekin; hemen, Programazio Bisuala (edo Blokekakoa) aztertuko dugu, aplikazioak egitea izugarri errazten duen metodologia intuitibo bat.
Bi noranzkoko komunikazioan eta urruneko kontrolean zentratuko gara, eta MQTT protokolo eraginkorrean eta hodei bidezko datu-transmisioan sakonduko dugu, are denbora errealeko irudiekin eta kanpoko web-zerbitzuekiko elkarreraginean. Presta zaitez zure IoT proiektuak beste maila batera eramateko, interaktibitateari eta kontrolari dagokienez.
Helburua
Tailer honen helburu nagusia da mugikorretarako aplikazioak garatzen trebatzea koderik idatzi beharrik gabe, aplikazio horien bitartez zure IoT gailu eta sistemen integrazioa, urruneko kontrola eta kudeaketa ahalbidetzeko. MIT App Inventor erabiliko dugu, objektuetara bideratutako programazio mugikor bisualerako doako web-plataforma bat, mundu osoan ezaguna.
Amaitutakoan, gai izango zara aplikazio interaktibo eta funtzionalak sortzeko, IoT gailuekin bi noranzkoko komunikazioa inplementatzeko MQTT bidez, hodeiko informazio-transferentzia kudeatzeko, irudiak denbora errealean bistaratzeko, sistemak urrunetik konfiguratzeko eta REST APIen datuak lortzeko. Tailer honek, gaitasun teknikoak emateaz gain, zure sormena eta berrikuntza ere sustatuko ditu, eta aukera emango dizu soluzio eraginkorrak sortzeko eta edozein arlotan produktibitatea hobetzeko. Ikasi konektatua duzun mundua kontrolatzen zure aplikazioekin.
Eskakizunak
Ariketa praktikoetarako, parte-hartzaile bakoitzak bere smartphonea eduki behar du; ahal dela, Android.
Norentzat
Mugikorretarako aplikazioak sortzen ikasteko interesa duten pertsona gogotsu edo profesional guztientzat, eta beren IoT proiektuetan urrutiko gailuak kontrolatzeko eta monitorizatzeko interfazeen garapenean sakondu nahi dutenentzat.
Egitaraua
- Programazio bisuala. Sarrera.
- Programazio bisualeko MIT App Inventor web-plataforma.
- Erabiltzaileen interfaze grafikoak sortzea smartphoneetan. Diseinatzailea eta haren elementuak.
- Funtzionalitateen programazioa. Algoritmoa eraikitzeko bloke-mota desberdinak
- Baliabideekin lan egitea (irudiak eta soinuak)
- Sentsoreekin lan egitea
- Pantaila grafikoa
- Jakinarazpenak
- Ahotsa ezagutzea eta testua ahots bihurtzea
- AAk bultzatutako ChatBot (ChatGPT eta Gemini)
- Aplikazio mugikor batean nabigatzea
- MQTT komunikazio-protokoloa
- IoT gailuen urruneko kontrola
- Hodeian oinarritutako gailuen arteko informazio-transferentzia
- Irudiak denbora errealean transmititzea urruneko IoT gailuetatik
- IoT sistemen urruneko konfigurazioa
- API REST batetik informazioa lortzea. JSON deskodetzea
Hizlaria
Pablo Falagán Cano. Industria-ingeniaria, Produktu Elektronikoen Garapeneko goi-mailako teknikaria eta Enplegurako Lanbide Heziketako irakaslea naiz. Maite ditut elektronika eta programazioa, eta izugarri gustatzen zait aplikazioak sortzen irakastea. Interesatzen zitzaidalako hasi nintzen programazioaren munduan, lehen mikroordenagailuak agertu zirenean. Aurrez aurreko ikastaroen bidez nahiz nire kontura trebatu naiz. Azken urteotan, gauzen Interneterako aplikazioak garatzen espezializatu naiz, mikrokontroladoreen eta smartphoneen programazioan batez ere.
