WhatsApp for Business: bezeroa dagoen tokian egotea - Meatzaldea
WhatsApp Business doako aplikazio bat da. Duela gutxi garatu da, bereziki, enpresa txiki eta ertainentzat. Aplikazio horrekin, enpresek eta negozioek beren bezeroekin harremanetan jar daitezke erraz, mezuak automatizatzeko, antolatzeko eta azkar erantzuteko tresnak erabiliz.
Lantegi honetan honako hau ikasiko dugu: WhatsApp Business kontu bat nola sortu, hura nola lotu telefono finkoko edo mugikorreko zenbaki batekin, profila nola pertsonalizatu eta gure bezeroekin edo erabiltzaileekin zuzenean nola jarri harremanetan -mugikorreko aplikazioen (Android eta iPhone) bidez, bezeroaren webaren bidez edo Windows edo Mac OSx-eko mahaigaineko APP-aren bidez-.
Horrez gain, komunikazio-kanal berriaren hartzaileekin komunikazio efektiboko estrategia bat ezartzen ikasiko dugu, segurtasunaren eta pribatutasunaren lege-alderdiak berrikusiko ditugu eta zenbait produktibitate-jarraibide ezarriko ditugu WhatsApp for Business tresnarekin.
Nori zuzenduta
Beren enpresetan eta erakundeetan WhatsApp for Business erabiltzen eta ezartzen ikasi nahi duten edozein sektoreko profesionalei.
Helburuak
Lantegi honen helburua da erakundeetan WhatsApp for Business tresna ezartzeak eta garatzeak sortzen dituzten abantailak hedatzera ematea, eta, horretarako, komunikazio efektiboaren estrategiaren eta tresna erabilgarrien erabilera egokiaren garrantzia hartzen da abiapuntu.
Eduki nabarmenak
Nola ezagutzera eman norbere burua
Enpresa-profil bat sortu zure bezeroentzako informazio garrantzitsuarekin, adibidez, helbidearekin, negozioaren deskribapenarekin, helbide elektronikoarekin eta web-orriarekin.
Nola bidali mezu gehiago ahalegin txikiagoarekin
Erantzun azkarrak: erantzun azkarrek aukera ematen dizute maiz bidalitako mezuak gordetzeko eta berriz erabiltzeko, eta, horri esker, azkarrago erantzun ahal izango dituzu galderak.
Nola erantzun bat-batean
Mezularitzako tresnak: erantzun ezin duzunean, ezarri mezu bat ez zaudela adierazteko, zure bezeroek jakin dezaten noiz erantzun ahal izango diezun. Horrez gain, ongi-etorria emateko mezu bat sor dezakezu, bezeroei negozioa aurkezteko.
Nola lortu informazioa
Mezu-estatistikak: eskuratu informaziorik garrantzitsuena, adibidez, arrakastaz entregatu, bidali eta irakurri diren mezuen kopurua.
Izena emateko
Meatzaldeko Behargintzak lagundutako ikastaroa. Meatzaldeko inskripzioek lehentasuna izango dute.
