Web-auditoretza aurreratua - Zibersegurtasuna(online)
Tailer honetan, web-auditoretza aurreratuak egiteko teknikak bereganatuko dituzte ikasleek. Tailerra praktikoa izango da, eta irakasleak ariketen bidez erakutsiko ditu teknikak. Lantegian, teknika- eta kontzeptu-aukera zabala praktikatuko da, eta ariketak egin ahal izango dira.
Hiru saiok osatzen dute tailer hau. Saio bakoitzak 3 ordu iraungo du.
Tailer hau ZOOM bideokonferentzia-plataformaren bidez emango da online.
15 lagunentzat mugatua.
Honako hauei zuzenduta dago:
Tailerra enpresa industrialetako informazio-sistemetako profesionentzat da nagusiki, bai arduradunentzat, bai profil teknikoa duten profesionalentzat.
Baldintzak
Tailerra behar bezala egiteko, web-aplikazio eta -teknologien oinarrizko ezagutza behar da, eta komeni da web-auditoretzei buruzko oinarrizko ezagutzak ere izatea.
Egitaraua
- Weben auditoretza eta hacking-a
- SQLi itsua eta denboran oinarritua
- DOMen oinarritutako Cross-Site Scripting-ak
- HTML5 eta CORS erasoak
- SSRF
- XXE eta deserializazioa
- WAFak saihestea
- JWT
- Web-zerbitzuak eta APIak
- NO OWASP TOP 10 ahultasunak
Hizlaria
Marta Barrio Marcos. Hacking etikoan eta pentest arloan espezializatutako Senior Security Analysta da eta esperientzia dauka zaurgarritasunen analisian, iturri-kodeen berrikuspenean eta sistemen segurtasunaren berrikuspenean. Nazioarteko hainbat ziurtagiri lortu ditu, besteak beste, OSCP ziurtagiria (Offensive Security Certified Professional). Gaur egun Deloitte España enpresako Hacking Taldeko kidea da.
