Programatzailea izan gabe: esperimentatu eta sortu aplikazioak eta webguneak AArekin (euskaraz) (online)
2 orduko online ikastaro hau edozein pertsonari zuzenduta dago, programazioaren ezagutzarik izan gabe IArekin aplikazioak edo webguneak sortzeko interesa badu. Plataforma intuitiboak erakutsiko dira, ideiei modu errazean forma emateko aukera ematen dutenak.
Tailerrak ikaskuntza praktikoan jarriko du arreta: prototipo sinpleetatik hasi eta bizitzan aplika daitezkeen proiektu funtzionaletaraino. Adibide inspiratzaileak partekatuko dira eta saioaren ondoren esploratzen jarraitzeko gomendioak eskainiko dira.
Horrez gain, tresna horiek proiektu pertsonal edo profesionaletan nola integra daitezkeen azalduko da, sormena sustatuz eta parte-hartzaile bakoitzari ideiak modu autonomoan garatzen jarraitzeko baliabideak eskainiz.
"Tolosaldeko TIC Astea-ren" hamairugarren edizioaren baitan antolatutako ikastaroa, LEHIBERRIk -Tolosaldeko Lehiakortasun eta Berrikuntzarako Foroa- eta ENPRESA DIGITALAk antolatuta. Ekimen honen helburua da, TIK-IKT erreminten erabilpena sustatzea Tolosaldeko enpresa sarean; banakako enpresari, enpresa txiki eta ertainez osatua dagoen sarean.
Nori zuzendua
Hiritarrak, ikasleak, langileak, langabeak, profesionalak, direktiboak eta enpresariak.
Informazio gehiago jaso nahi baduzu edota izena emateko, web orri hau bera erabili, edota lehiberri@tolosaldea.eus / telefonoa 943 654 501.
