Produktuen Pasaporte Digitala: nola heldu aldaketari eta horrek Europako jasangarritasunean duen eragina
Produktuen Pasaporte Digitala tresna berri bat da, Europako merkataritza goitik behera aldatuko duena. Industria-produktu baten arduraduna zarenez, garrantzitsua da ulertzea zer-nolako eragina izango duen Europako jasangarritasunean eta nola heldu aldaketa horri. Laster, produktuek pasaporte hori izan beharko dute Europar Batasunean merkaturatu ahal izateko, eta hori erronka handia da enpresentzat, kudeaketari eta egokitzapenari dagokienez.
Jardunaldi honetan, adituek azalduko dizute nola eragingo dion Produktuen Pasaporte Digitalak zure enpresari, eta zer urrats egin behar dituzun hura ezartzeko. Ikusiko duzu teknologia digitalak nola lagundu diezazukeen pasaportea modu eraginkorrean kudeatzen eta nola integratu prozesua eguneroko operazioetan.
Gainera, Produktuen Pasaporte Digitala ezartzeko proben adibideak eta bidean ikasitakoak ezagutuko dituzu. Funtsezko zenbait gai ere landuko dira, hala nola jasangarritasuna eta erantzukizun sozial korporatiboa, eta ikusiko duzu, orobat, Produktuen Pasaporte Digitala tresna egokia izan daitekeela zure izen ona hobetzeko eta Europako arauak betetzeko.
Azken batean, jardunaldi hau ezinbestekoa da Europako merkataritzako aldaketen berri izan nahi duen eta etorkizunerako prestatu nahi duen produktu-arduradun ororentzat. Ez huts egin!
Agenda
- Ongietorria
Joseba Laka – Digital director, TECNALIA - Zer da Produktuen Pasaporte Digitala, nola funtzionatzen du eta zer onura ditu herritarrentzat eta enpresentzat
Ekain Cagigal – Senior researcher and project manager, TECNALIA - Produktuen Pasaporte Digitalerako digitalizazio berritzailea
Iván Gutiérrez – Blockchain for business and data spaces solutions architect, TECNALIA - Iraunkortasuna lehiarako abantail gisa: Hobekuntzarako adierazleak
Gabriel Aznar – Smart Industry || Industry of Things, TECNALIA - Eraikuntzako materialen eta produktuen trazabilitate digitala
David García – Senior researcher and project manager, TECNALIA - Etenaldia - Kafea
- Mahai-ingurua industrian garrantzitsuak diren eragileekin:
- José Luis Nuñez Diaz - Global Head for Blockchain and Web3 Businesses, Telefónica Tech
- Cecilia Medina – SERNAUTOko (Espainiako Automozio Hornitzaileen Elkartea) I+G+b eta Prestakuntza arduraduna eta Move2Future plataforma teknologikoaren koordinatzailea
- Patricia Tamés – AFM (Advanced Manufacturing Technologies) klusterreko zuzendari nagusiaren ondokoa
- José Mª Fernández Alcalá – IHOBEko Ekonomia Zirkularraren arloko zuzendaria
- Leyre Madariaga - Ekonomiaren Garapen, Jasangarritasun eta Ingurumen saila, Eusko Jaurlaritza
- Moderatzailea: Joseba Laka – Digital director, TECNALIA
- Itxiera
Leyre Madariaga - Ekonomiaren Garapen, Jasangarritasun eta Ingurumen saila, Eusko Jaurlaritza
