944 536 262
Featured image

Nola hitz egin kamerari zure proposamen profesionalari buruzko konfiantza helarazteko eta ikusleengan eragiteko

Tailer honen helburua da oinarrizko ezagutzak eta trebeziak har ditzazula kamerari begira hitz eginez eskaini edo saltzen duzuna aurkezten duzunean konfiantza helarazteko, baita gaitasun eta balioa ere.

Ikusle batek zure bideoa ikusten jarraitzeko izango duen funtsezko arrazoia bertan agertzen den pertsona da: zu, konexio bat sortuz eta mezua helaraztea erratuz:

  • Sinesten ote dut ikusle gisa pertsona honek esateko duena?
  • Gustuko ote dut?
  • Ze irudipen ematen dit? Konfiantza du bere buruan? Konbentzitzen du? Monotonoa da? Urduri dago?

Kamerari hitz eginez naturala eta irmoa ematea ez da erraza, kamera ez delako gauza “naturala”. Kamerari hitz egitea ez da bezero batekin hitz egitea bezala, zure mezua heltzen den edo ez ikusten duzunean. Kameraren aurrean bakarrik grabatzen duzunean, ez duzu batere feed-backik jasotzen.

Zorionez, kamerari hitz egitea naturala izan ez arren, irudipen hori eman daiteke.

Bakarrik bi desberdintasun daude kameraren aurrean naturaltasuna helarazten duten pertsonen eta zure artean. Lehendabizikoa da grabatzeko aurrez prestatu direla. Bigarrena da mentalitate egokiaz praktikatu dutela. Alegia, ikasi dute kamerari hitz egitea praktikaz ikasten den ohitura bat dela eta, gainera, hobetzeko lehendabizi batek zer hobetu jakin behar duela. Gaizki praktikatzeak, batez ere hasieran, ohitura gaiztoak sor ditzake, eta gero zaila izan daiteke horiek aldatzea.

Zure lanean besteek konfiantza izatea nahi baduzu, pertsonek jakin behar dute zuk ere konfiantza duzula egiten duzun horretan, badakizula zer eman diezaiekezun zurekin etortzen badira. Tailer honen helburua da kamerari hitz egiten diozunean konfiantza hori helarazteko entrenatzea.

 

Helburuak

  • Kamerari begira aurkezpen profesional bat prestatu, bertan gaitasun teknikoa eta egiten duzunari buruzko konfiantza helaraziz, ikusleak zure proposamenaren aldeko hautua egin dezan.
  • Kamerari hitz eginez gutxiago estutzea eta esperientzia naturalagoa egitea erraztu.

 

Egitaraua

  • Kamerari begira aurkezpen profesional bat prestatu, bertan gaitasun teknikoa eta egiten duzunari buruzko konfiantza helaraziz, ikusleak zure proposamenaren aldeko hautua egin dezan.
  • Kamerari hitz eginez gutxiago estutzea eta esperientzia naturalagoa egitea erraztu.
    • Kamerari konfiantzaz hitz egiteko mentalitate egokia.
    •  
    • Kamerari (telepronter gabe) hitz eginez ikuslearengan eragiteko aurkezpen profesional bat idazteko modua.
    • Presentzia:
      • Nola grabatu konfiantza handiagoz eta gutxiago estutuz.
      • Osagai sekretua: aktibatu ahots tonua, adierazkortasuna eta keinuak.
    • Kamera:
      • Argiztapena, soinua eta enkoadraketa.
      • Kameraren distantzia, atzealdea.
      • Kamera berdin pertsona:
        • Zenbat ezagutzen duzu zure ikuslea?
        • Zer gairi buruz hitz egin behar duzu?
        • Non hitz egingo duzu?

 

Tailerra emateko formatua (Hibridoa) eta datak

  1. Miramon Enpresa Digitaleko prestakuntza presentziala (Donostia)
    Hiru saio presentzial (irailaren 10, 17 eta 21a, 10:00etatik 13:00etara)
  2. Norbanakoarentzako doako online orientazioa
    Hala nahi duten pertsona parte-hartzaileek 20 minutuko doako bi orientazio/
    feed-back saio izango dituzte hezitzailearekin

 

"Ekitaldian zure segurtasuna bermatzeko hartutako COVIDaren aurkako neurriak"

COVID-19ak eragindako osasun-krisiari aurre egiteko beharrezko prebentzio-neurriekin lotuta, Osasun sailburuak 2020ko abuztuaren 19an onartutako AGINDUAN jasotako irizpideen arabera:

  • Parte-hartzaile bakoitzari homologatutako FFP2 maskara bat emango zaio. Maskara hori nahitaez eta uneoro erabili beharko da eraikinaren gune guztietan.
  • Bilera-aretoak erabiltzeko garaian, bertaratutakoen artean 1,5 metroko distantzia bermatu beharko da.
  • Eskolak, gehienez, 15 lagunekoak izango dira.
  • Parte-hartzaileek eskuragarri izango dituzte gel hidroalkoholikoak..
  • Ekitaldira bertaratutakoen artean objektuak ez partekatzea gomendatzen da.