Laguntza-txat adimendunak: Indartu bezeroarentzako arreta AArekin
Ikastaro honetan, zure enpresan adimen artifizialak bultzatutako laguntza-txatak eraginkortasunez sortzen, integratzen eta kudeatzen ikasiko duzu. Tailerrean sakonki aztertuko ditugu azken joera teknologikoak, tresna espezializatuak eta jardunbide egokienak, hartara bezeroarentzako zerbitzu oso efiziente eta pertsonalizatu bat emateko, erabiltzaileentzat eguneko 24 orduetan eta asteko 7 egunetan eskuragarri egongo dena, zure informazioan oinarritua eta zuk egingo zenukeen moduan erantzungo duena, edozein hizkuntzatan.
Ikusiko duzu AAk bezeroaren arretaren esperientzia alda dezakeela, baliabideak optimiza ditzakeela eta zure erabiltzaileen gogobetetasuna hobetu dezakeela.
Helburuak
• Ulertzea adimen artifiziala nola eraldatzen ari den bezeroarentzako arreta.
• Txatbot-motak eta haien aplikazioak identifikatzea eta ebaluatzea.
• AAren bidez laguntza-txatbot bat inplementatzen eta pertsonalizatzen ikastea.
Norentzat
Bezeroarentzako arretako profesionalentzat, zerbitzu-kudeatzaileentzat, eraldaketa digitalaren arduradunentzat eta adimen artifiziala ezarriz bezeroarentzako laguntzaren efizientzia hobetzeko interesa duen edonorentzat da ikastaro hau.
Egitaraua
Bezeroarentzako laguntzan AA erabiltzearen hastapenak
- Bilakaera eta egungo joerak
- Bezeroarentzako laguntzan AA erabiltzearen onurak eta erronkak
Txatbot-motak eta haien funtzionamendua
- Arauetan oinarritutako txatbotak vs AA duten txatbotak
AA duten laguntza-txatak inplementatzea
- Plataforma eta tresna egokiak hautatzea
- Lehendik dauden sistemekin integratzea
Txatbotak pertsonalizatu eta entrenatzea
- Elkarrizketa eraginkorrak diseinatzea
- Txatbota entrenatzea erantzun zehatzak emateko
Laguntza-txatak kudeatu eta monitorizatzea
- Metrikak eta errendimendua aztertzea
- Etengabeko hobekuntza eta edukiak eguneratzea
Azterketa-kasuak eta aplikazio praktikoak
- AA duten laguntza-txatak inplementatu dituzten enpresen adibideak
