Irisgarritasuna: sortu produktu digital inklusiboak pertsona guztientzat
Pertsona guztiek, beren egoera edozein dela ere, aukera izan behar dute modu ekitatibo eta inklusiboan nabigatu eta edozein produktu digitaletan modu arrakastatsuan sartzeko. Irisgarritasun digitalak pertsona guztientzako oztopoekin amaitzea du helburu.
Diseinu bat ezin dugu erabilgarritzat hartu ikusmen-arazoak, mugitzeko desgaitasunak edo arazo kognitiboak dituzten pertsonek informazioa eskuratzeko edo helburuak arrakastaz lortzeko zailtasunak badituzte.
Jardunaldi honetan, produktu digital baten irisgarritasuna ebaluatzen ikasiko dugu, eta ulertuko dugu nola, erabilgarritasun egokia ziurtatzeko, hainbat estandar betetzeaz gain, koloreak kontraste zuzenarekin erabili beharko ditugun (koloreak erabiltzaileei feedbacka emateko soilik ez erabiliz), baita hierarkia bisual egokiak edo ukipen-eremu handiak erabili ere, besteak beste.
Helburuak
- Irisgarritasunaren oinarrizko printzipioak ikastea.
- Nazioarteko erakunde, arau eta estandarrak kontuan izatea.
- Gure diseinuetan eta elkarrekintzetan irisgarritasun-gomendioak modu zuzenean eta errazean aplikatzea.
- Nola neurtu modu praktikoan hainbat tresna eta pluginen bidez.
- Irisgarritasun onaren adibideak eta jardunbide egokiak ezagutzea.
Programa
- Irisgarritasunaren hastapenak: zer den, zergatik den garrantzitsua eta zer eragin duen erabiltzailearen esperientzian.
- Produktu digitalen irisgarritasunerako baldintzak ezartzen dituzten nazioarteko araudiak eta estandarrak.
- Diseinu irisgarriaren printzipioak eta horiek ingurune digitaletan aplikatzeko adibideak.
- Irisgarritasun-probak eta neurketa-tresnak: Nola bermatu hobekuntzak irisgarritasunean
- Jardunbide egokiak eta kasu arrakastatsuak: Produktu digital eskuragarrien adibide praktikoak eta nola diseinatu diren desgaitasunen bat duten pertsonen beharrak asetzeko.
Nori zuzendua
Irisgarritasunaren munduan sartu nahi duten UX eta/edo IUen diseinatzaileak.
