Informazioa eta gailuak babestea
Egun, informazioa eta gailuak babestea ezinbesteko erronka bihurtu da pertsona eta erakunde guztientzat. Zibererasoak, datu-lapurretak eta gailuak galtzearekin lotutako arriskuak nabarmen handitu dira, eguneroko bizitzan teknologia gero eta gehiago erabiltzen dugulako. Egunero, milioika pertsonari eta enpresari eragiten diete malwareak, phishingak, ransomwareak eta informazio konfidentzialaren lapurretak. Horregatik, inoiz baino garrantzitsuagoa da aurkituko ditugun arriskuak ezagutzea, eta neurri eraginkorrak hartzea gure informazio pertsonala eta ingurune profesionaletan erabiltzen duguna babesteko.
Informazio pertsonala eta profesionala eta erabiltzen ditugun gailuak babesteko jardunbide egokiak eta tresna eraginkorrenak ikasteko diseinatuta dago tailer hau. Trebakuntzan, funtsezko alderdi hauei helduko zaie: pasahitz seguruak nola kudeatu, faktore anitzeko autentifikazioa erabiltzea, malwarearen eta birusen aurkako babesa, eta hodeian gordetako informazioa ziurtatzeko estrategiak. Horrez gain, segurtasun-gorabeheren aurrean nola erantzun (gailu bat galtzen dugunean edo lapurtzen digutenean, adibidez) eta segurtasun-arrakalak nola prebenitu ere irakatsiko da.
Norentzat
Informazioaren eta arlo profesional eta pertsonalean erabilitako gailuen segurtasuna hobetu nahi dituzten maila eta sektore guztietako profesionalentzat. Ezin hobea da enpresetako langileentzat, ITko arduradunentzat, administrazio-langileentzat eta gailuak eta datuak zibermehatxuetatik nola babestu ikasteko interesa duen edonorentzat. Ez da beharrezkoa zibersegurtasunari buruzko aurretiko ezagutzarik izatea.
Baldintzak
Arabako ikastaroan norberak ordenagailu eramangarria eraman beharko du
Egitaraua
- Informazioaren eta gailuen babesa. Hastapenak.
- Informazio-motak, datu sentikorrak eta lotutako arriskuak.
- Gailuak babestea eta jardunbide egokiak.
- Hodeiko informazioa babestea.
- 1. kasu praktikoa: pasahitz seguruak sortzea eta irispideak kudeatzea.
- Gailuak nola babestu galtzen edo lapurtzen direnerako.
- 2. kasu praktikoa: malwarea identifikatzea eta ezabatzea.
- Galdetegia.
- Ondorioak.
