Europako CRA araudia: Cyber Resilience Act (online)
Jardunaldiaren helburua da Cyber Resilience Act (CRA) lantzea, hots, zibersegurtasunaren arloan funtsezkoa den Europako araudia, gero eta handiagoa baita industria teknologikoan eta produktuen zibersegurtasunean araudia betetzeko eskaera.
Jardunaldi honek Cyber Resilience Act-ari (CRA) buruzko ikuspegi sakona eskainiko du, eta Europako erregulazio-panoraman duen garrantzia nabarmenduko. Zibersegurtasuneko egungo araudi-joerek eta CRAren betekizun espezifikoek industria teknologikoari nola eragiten dioten aztertuko da. Saioan, walkthrough xehe bat egingo da, CRAren betekizunak eta enpresen araudia betetzean duten eragina azaltzeko.
Ekitaldi erakargarria da, parte-hartzaileei aukera ematen baitie arau-eskakizunak ulertzeko eta haiei aurrea hartzeko, eta, hala, produktuetan eta prozesuetan errazago aplikatzeko.
Egitaraua
Testuingurua:
- Zibersegurtasuneko arau-joeren eta horien ondoriozko ekintzen aurkezpena.
- Industrian aplikagarri diren gaur egungo araudien azterketa.
- Testingaren azterketa, araudia betetzeari dagokionez.
CRAren diagnostikoa:
- Cyber Resilience Act-a xehe-xehe.
- CRAren eskakizunen walkthrougha, hobeto ulertzeko.
Nori zuzendua
Bere jardueran Cyber Resilience Act-aren eskakizunak ulertu eta ezarri behar dituen edozein profesional edo erakunde.
Hizlaria
Odei Olalde Sáez de Urbarain Orbik enpresako laborategi- eta teknologia-zuzendaria da. Telekomunikazio-ingeniari ikasketak egin zituen UPV/EHUn, Kriminalistikako masterra (Informatika) UAMn eta Telematikako masterra UAXn. 10 urteko esperientzia du zibersegurtasun-arloko konpainia askotan, pentest-ariketak eta I+G+B arloko ikerketa barne, proiektu nazional eta europarretan.
