Enpresa-automatizazioa Zapier eta AA sortzailea erabiliz
Ikastaro hau automatizazioa eta adimen artifiziala erabiliz eragiketak eraldatzean eta aurrekaririk gabeko efizientzia lortzean interesatuak dauden enpresa eta profesionalei zuzendua dago. Profesionalek eta enpresek aukera dute automatizazio-tresna aurreratuak (adibidez, Zapier) eta adimen artifizial sortzaileko teknologiak (adibidez, ChatGPT) inplementatzen ikasteko, tresna horien bidez garapen-denborak murrizteko eta produktibitatea nabarmen handitzeko.
Ikastaroan, Zapier eta adimen artifizial sortzailea erabiliz enpresako prozesuak automatizatzen erakutsiko dugu. Parte hartzen dutenek ikusiko dute tresna horiek zeregin konplexu eta errepikakorrak sinplifika ditzaketela eta, hala, langileek balio erantsi handiagoko lanak egin ditzaketela. Erakutsiko dugu, adibide praktikoen bidez, teknologia horiek eraginkortasunez integratzeak berrikuntza disruptiboak eta eragiketa-hobetze nabarmenak ekarri dituztela.
Norentzat
Teknologiaren bidez prozesuak hobetu nahi dituzten enpresetako profesional edo lantalde orori egokitzeko diseinatua dago ikastaro hau.
Metodologia
Ikasgai teorikoak eta aplikazio praktikoak konbinatzen ditugu, baita zuzeneko simulazioak eta proiektu pilotuak ere, ikasitakoak benetako hobekuntza neurgarriak eman ditzan. Parte-hartzaileek zenbait baliabide esklusibo izango dituzte eskura, landutako teknologien ezarpena maximizatzeko.
Eskakizunak
Ez da aurretiko ezagutzarik behar. Dena den, “Zereginen automatizaziorako sarrera Zapier eta IA Generativarekin (ChatGPT)” jardunaldia prestatu dugu, ezagutza emeki eta mailaka eskuratu ahal izateko.
Helburuak
- Automatizatzeko tresnak eta AA erabiltzen gaitzea. Parte-hartzaileei Zapier eta AA sortzaileari buruzko ezagutza sendoa ematea. Parte-hartzaileek ikasiko dute teknologia horiek erabiltzen eguneroko eragiketak optimizatzeko eta, hala, denborak eta kostuak murrizteko.
- Zapierrekin automatizatzeari buruzko nozio aurreratuak jasotzea. Zapier eta ChatGPTren erabilera aurreratuan sakontzea, eta parte-hartzaileei erakustea aplikazio eta zerbitzu ugari integratzen dituzten lan-fluxu konplexuak konfiguratzen eta optimizatzen.
- Zapier GPT pertsonalizatuetan integratzea. Zapierreko ekintzak GPT (ChatGPT) pertsonalizatuetan txertatzen ikastea, eta, hala, erabiltzaileen interakzio eta behar espezifikoen arabera erantzuten eta jarduten duten sistema automatizatuak sortzea.
- Automatizazioa irudien prozesamenduan baliatzea. Irudiak prozesatzea behar duten prozesu automatikoak inplementatzen erakustea, enpresaren agertokietan ikusizko edukia sortzeko eta manipulatzeko DALL-E edo antzeko tresnak erabiliz.
- Eredu multimodalen erabilera. Aztertzea nola erabiltzen diren testua, irudia eta audioa konbinatzen dituzten eredu multimodalak enpresa modernoen diziplina anitzeko beharretara egokitzen diren automatizazio-soluzio konplexuagoak eta moldakorragoak sortzeko.
