DaVinci Resolve, zure bideoak editatzeko tresna ezin hobea (Euskal Encounter)

Plataforma bakar batean integratzen ditu muntaketa eta ediziorako tresnak, efektu eta animazio grafikoak, tituluak, azpidazkiak eta soinu-nahasketa; beraz, ez da dira beste programa batzuk erabili behar muntaketa-lanak egiteko eta amaierako bideoaren esportazioa egiteko, zeina gure Vimeo eta YouTubeko kanaletan, webgunean edo sare sozialetan argitaratu ahalko dugun, baita pantaila fisiko batean proiektatu ere.

DaVinci Resolve bideo-editoreak denetarik eskaintzen du eta oso eraginkorra da. Windows, Mac eta Linuxen erabil daiteke eta doakoa da, ezkutuko kosturik, mugarik eta ur-markarik gabe. Ezaugarri aurreratu batzuk ordainpeko bertsioan baino ez daude eskuragarri, hala ere, doako bertsioa nahikoa da beharrizan gehienei aurre egiteko.

Ikastaro honen helburua da DaVinci Resolve tresna erabiliz bideo edizioarekin lan egiten hastea, eta haren funtzionamendua eta prestazioak ebaluatzea, negozioan edo enpresan aplikatzeko.

Ikastaroaren helburuak praktikaren bidez eskuratuko dira. Sarrera teoriko batetatik abiatuta, hainbat ezagutza aplikatuko ditugu, ordenagailuan bertan egindako adibide praktikoen bidez ezagutza horiek barneratzeko.

Ez da bideo-edizioari buruzko ezagutzarik behar, hutsetik hasiko gara.

Izena emateko

Ekitaldi hau 2023ko Euskal Encounterren programaren atal bat da. Lekua mugatua da, beraz, aldez aurretik izena eman behar da. Izena eman dutenek eta lekua dutela esanez egiaztapena jaso dutenek baino ezingo dute parte hartu.

Norentzat

Edozein xedetarako (proiekzioa, webgunea, sare sozialak etab.) edukiak bideo formatuan sortzeko beharra duten sektore orotako profesionalak.

Oharrak

Zure ordenagailuarekin joan nahi baduzu, programa aldez aurretik instalatzea gomendatzen dizugu. Hemen deskarga daiteke:
www.blackmagicdesign.com/es/products/davinciresolve

Egitaraua

• Interfaza
• DaVinciren konfigurazioa eta pertsonalizazioa
• Proiektua prestatzea
• Bitartekoak eta materiala hautatzea
• Fitxategiak sailkatu eta antolatzea
• Muntaketa-tresnak
• Denbora-lerroak
• Edizioa hiru puntura
• Klip-ebaketak teklatuarekin
• Txertaketa motak
• Trantsizioak
• Tituluak txertatzea
• Efektuak
• Edizio-tresnak
• Entrega
• Helburu desberdinetarako tamainak eta bereizmenak

Hizlaria

Dani Arrilucea 20 urte baino gehiagoz aritu da aholkularitza informatikoetan eta Interneteko zerbitzuen enpresetan. Gaur egun, profesional independentea da eta teknologia berriekin lotutako gaietan trebatzailea da.