944 536 262
Featured image

Barnetegi Teknologikoa: Google Gemini

Barnetegi Teknologikoa 8 orduko tailer trinko eta praktikoa da, enpresaren eguneroko jardunean AA sortzailearen erabilera modu praktikoan txertatzeko.


Edizio honetan Google Gemini eta Gemini PRO izango ditugu ardatz, bereziki hauen erabilera Google Workspace ekosisteman (Docs, Gmail, Calendar, etab.) txertatuta. Tailerrak, gainera, bloke espezifiko bat eskainzten du mota honetako zerbitzuekin lan egitean pribatutasuna, segurtasuna eta erabilera arduratsua lantzeko.

 

Helburuak:

  • Ulertzea zer ekarpen egiten duen Google Geminik laneko produktibitate profesionalari.
  • Testuinguru korporatiboan emaitza erabilgarri, koherente eta berrerabilgarriak lortzeko ondo eskatzen ikastea (prompting).
  • Gemini PRO Google Workspace barruan erabiltzea ohiko zereginak azkartzeko: idazketa, sintesia, bileren prestaketa, posta elektronikoa, plangintza eta denboraren kudeaketa,...
  • Zure enpresarako erabilera-kasuak identifikatzea.
  • Arrisku ohikoak identifikatzea eta erabilera segururako eta arduratsurako jardunbide egokiak zehaztea.

 

Nori zuzendua:

 

  • Eguneroko jardunean (posta kudeaketa, dokumentazioa, bilerak, plangintza, etab.) Google Workspace erabiltzen duten eta Gemini modu praktikoan txertatu nahi duten profesional eta enpresak.
  • Ekoizpen‑gaitasuna eta eraginkortasuna hobetu nahi duten pertsonak, AA sortzailea Google ekosistemaren barruan erabiliz.
  • Negozio‑profilak, administrazioa, marketina, Giza Baliabideak, salmentak, operazioak edo komunikazio eta dokumentazio karga handia duten edozein rol.

 

Programa:

 

  1. Google Gemini eta Gemini PROren sarrera: zer den, enpresan zertarako balio duen eta erabileraren mugak/irizpideak.
  2. Produktibitatea handitzeko prompting‑a: prompten eredua, iterazioa, formatua, tonua, ...
  3. Lanera bideratutako Gemini (txata): ideazioa, idazketa, sintesia, erabakiak hartzeko laguntza eta eduki erabilgarriaren sorkuntza.
  4. Google Workspace‑ekin integratutako Gemini PRO (lan‑fluxuan):
    • Gmail: hariak laburtzea, informazioa bilatzea, erantzunak idatzi eta haien tonua hobetzea.
    • Docs: dokumentuak egituratzea, berridazketa, laburpenak eta argitasuna/estiloa hobetzea.
    • Calendar: gertaerak sortu eta kudeatzea, bilerak prestatzen laguntzea eta denboraren kudeaketa.
    • ...
  5. Erabilera‑kasuen eta dinamika praktikoen lanketa: ariketa gidatuak, zure testuinguruan (taldea/prozesua) aplika daitezkeen lan‑fluxuak zehazteko.
  6. Pribatutasuna, segurtasuna eta erabilera arduratsua: jardunbide egokiak, arrisku tipikoak (datu sentikorrak) eta ingurune korporatibo batean zer sar daitekeen (eta zer ez) AA sistemetan erabakitzeko irizpideak.

 

Baldintzak:

Gomendagarria da enpresako Google Workspace kontu bat izatea Gemini PRO lizentziarekin (gomendatua, prestakuntza ingurune honetara bideratuta dagoelako). Workspace konturik ez izanez gero, Google kontu pertsonal batekin ere tailerraren zati handi bat jarraitu ahal izango duzu, nahiz eta dinamika batzuk eskuragarri dauden gaitasunen arabera egokituko diren.