Adimen Artifiziala eta Zibersegurtasuna: Arriskuak, Erregulazioa eta Betetzea (online)
AAren erabileraren eta zibersegurtasunaren arteko inplikazioak ulertu nahi dituzten enpresetako profesionalentzako jardunaldia. Lehen zatian, Adimen Artifizialak planteatzen dituen arrisku emergenteak aztertuko ditugu, hala nola zibererasoen automatizazioa, AAren plataformen ahultasunak, konfidentzialtasun arazoak eta araudia ez betetzea. Bigarren zatian, inplikazio legalez hitz egingo da, datu pertsonalen babesa, jabetza intelektuala eta AAren Europako Erregelamendua barne. Praktikoa eta irisgarria izateko asmoarekin, jardunaldi hau galdera eta erantzunen atal batekin amaituko da, eta bertaratuen eta hizlarien arteko elkarrizketa aberasgarria sustatuko da.
Helburuak:
• Adimen Artifizialari lotutako arriskuak eta mehatxuak identifikatzea eta ulertzea enpresa eremuan.
• Automatizazioak zibererasoetan dituen inplikazioak aztertzea eta sistemen segurtasunean nola eragiten duten ikustea.
• AAren berezko ahultasunak ezagutzea
• Konfidentzialtasun arazoak eta datu sentikorren exfiltrazioa ebaluatzea.
• Kontuan hartu beharreko lege eta arau garrantzitsuak ezagutzea, datu babesa, jabetza intelektuala eta AAren Europako Erregelamendua barne.
• Elkarrizketa irekia sustatzea, galdera eta erantzunen atal baten bidez, kezkei heltzeko eta kontzeptuak argitzeko.
Norentzat:
• Adimen Artifizialaren eta zibersegurtasunaren arteko harremana ulertzeko interesa duten edozein sektoretako enpresetako profesionalak.
• ITen, zibersegurtasunaren eta araudia betetzearen arduradunak.
• AA bere eragiketetan modu seguru eta legalean integratzea bilatzen duten exekutiboak eta liderrak.
Programa:
Adimen Artifizialaren Arriskuak eta Mehatxuak erakundeetan
1. AAri eta Zibersegurtasunari buruzko sarrera
2. Zibererasoen automatizazioa
3. AAko Ereduen aurkako erasoak
4. Datuen konfidentzialtasuna eta exfiltrazioa
5. Araudia ez betetzea
Kontuan hartu beharreko AAri buruzko lege alderdiak
1. Sistema horiei eragiten dien araudiaren errepaso laburra, AAren Erregelamenduarena berarena eta datu pertsonalen babesaren eta jabetza intelektualaren gaineko arauak ere bai
2. Kontu praktikoak. Datu pertsonalak tratatzeko erabil dezaket AA? Norena da AAk sortutako irudi baten jabetza intelektuala? Legezkoa da datu pertsonalak dituen fitxategi bat ChatGPT pluseko kontu batera igotzea? Erabiltzen al ditu Geminik nire datuak bere eredua entrenatzeko? Eta, hala bada, eman al diezaieke informazio hori beste batzuei? Kasu horretan badago ni babesten nauen kontraturik? Fireflyk edo irudiak sortzeko beste tresna batek sortutako irudi baten gaineko eskubide guztiak ditut? eta abar.
Galderak eta erantzunak
• Parte hartzaileek zalantzak planteatzeko eta ideiak trukatzeko espazioa.
