AAko agenteak: HEHen bilakaera, zeregin konplexuei ekiteko eta negozioak eraldatzeko gai baitira
Adimen artifiziala industriak goitik behera iraultzen ari den mundu honetan, mugarri dira Hizkuntza Eredu Handietan (HEH) oinarritutako eragileak. Eragile horiek AAko sistema aurreratuak dira. Hizkuntza naturala prozesatzeaz gain, gai dira erabakiak hartzeko, zeregin konplexuak modu autonomoan gauzatzeko eta kanpoko tresnak (APIak, bilaketa-motorrak, kalkulagailua, datu-baseak, etab.) erabiltzeko.
Ikastaroan alderdi ugari aztertuko dira: bai, lehenik, HEHen oinarriak, baita, geroago, eragile aurreratuak ere, gai direnak hainbat plataformatan kontsulta konplexuak egiteko eta ekintza automatizatuak gauzatzeko. Kanpoko tresnetarako sarbideari esker, eragile horien ezaugarri nagusia da arazoak denbora errealean konpontzeko, erabaki estrategikoak hartzeko eta modu autonomoan lan egiteko duten gaitasuna. Hori dela eta, AAren hizkuntza-eredu tradizionalen (HEH) mugak gainditzen dituzte. Gainera, ikasiko duzu Tasking AIren koderik gabeko tresnei esker nola errazten den eragile horien inplementazioa eta kudeaketa. Izan ere, AAko soluzio eraginkorrak inplementatzeko aukera ematen diote edozein profesionali, nahiz ez izan programazio-ezagutzarik.
Norentzat
Adimen artifizialean interesa duten profesionalak eta teknologiazaleak, kodifikazioan aldez aurretik esperientziarik ez izan arren AAko soluzioak inplementatu nahi dituztenak.
Baldintzak
Ez da aurretiko ezagutzarik behar. Urratsez urrats ikasi nahi dutenei, gomendatzen diegu aldez aurretik “Aako agenteei buruzko sarrera” jardunaldira joateko.
Egitaraua
- HEH eragileen inpaktua: Aztertuko dugu hizkuntza-eredu handietan oinarritutako eragileak nola ari diren berrikuntzak egiten hainbat sektoretan, hala nola teknologian eta bezeroarentzako arretan.
- HEH eragileen oinarriak: Hizkuntza-eredu handien funtsezko printzipioetarako sarrera egingo dizugu, eta haien arkitektura eta gaitasunak aztertuko ditugu.
- Eragileen erabilera-kasuak: Ikertu Simo, Devin eta halako eragileek nola ebazten dituzten problemak modu autonomoan, askotariko testuinguruetan (adibidez, bideojokoetan eta software-ingeniaritzan).
- AutoGPTak: Ikasi nola aplikatu AutoGPTak eta lan-fluxu osoak exekutatzen eta gizakiak gainbegiratu gabe prozesuak egiten dituzten beste eragile aurreratu batzuk, eta, ondorioz, hobetu efizientzia eta produktibitatea.
- No-Code eta Low-Code tresnekin eragileak sortu: Ikasi TaskingAI, Flowise eta halako plataformak erabiltzen, programatu beharrik gabe eragileak garatzeko. Edozein erabiltzailek soluzio adimendunak erraz sortzeko aukera ematen dute.
- Tasking AI-ri buruzko informazioa No-Code eragileak garatzeko: Tasking AIren koderik gabeko tresna AAko eragileak garatzeko eta kudeatzeko konfiguratu eta erabili ahal izateko, urratsez urrats egiteko jarraibideak emango ditugu.
- Flowise-rekin eragileak garatzea: Flowise-rekin, eragileak gara daitezke, programatu beharrik gabe.
- LangFlow, Flowise-n eragileak garatzeko. LangFlow Flowise-ren modulu berria da. Eragileak garatzeko balio du, eta LangGraph liburutegi ospetsuan oinarritua dago. Eragile aurreratuak garatzeko, funtzionalitate ugari erabiltzeko aukera ematen du.
- Kasu praktikoak eta erabilerak: Adibideak eta ariketa praktikoak, eragile horiek benetako egoeretan nola erabiltzen diren hobeto uler dezazun.
Ikastaro honetan, eragileak zer diren, zer inpaktu duten eta nola inplementatu adierazteko ikuspegi osoa emango zaizu.
