Hobetu zure merkataritza elektronikoaren bihurketa, CRO metodologia bati esker (online)
Trafikoa erakartzeko egiten dugun inbertsioa optimizatu nahi badugu, funtsezkoa izango da gure webguneak ondo erantzutea. Bihurketa-tasaren optimizazioa (CRO) gure webgunean nahi den ekintza egiten duten bisitarien ehunekoa handitzeko prozesu sistematikoa da, dela inprimaki bat osatzea, dela baliabide bat kontsumitzea, dela bezero bihurtzea. CRO prozesuak erabiltzaileak gure webgunearen bidez nola mugitzen diren, zer ekintza hartzen dituzten eta helburuak betetzea zerk eragozten dien ulertzea eskatzen du.
Jardunaldi honetan ikusiko dugu nola ezarri gure lan-prozesuan CRO (Conversion Rate Optimization) metodologia bat. CRO metodologiak lagunduko digu gure proiektu digitala errentagarriagoa egiten iterazio txiki batzuei esker. Iterazio horiek testatu eta aztertu egingo ditugu.
Merkataritza elektronikoaren testuinguruan, aztertuko dugu webgune bateko zein orri eta elementu diren erabakigarriak, eta etorkizunean hipotesi berriak egiten lagunduko diguten adibide batzuk ikusiko ditugu.
Edorta Ramírezek emango du saio hori. UX/UI esparruan espezializatutako diseinatzaile grafikoa da. Gaur egun, LIN3S agentzia digitaleko produktu digitalen diseinatzailea da.
Jardunaldi hau ZOOM bideokonferentzia-plataformaren bidez emango da online.
Edukiera mugatua.
Norentzat
- Merkataritza elektronikoan oinarritutako ideiaren bat duten negozio-kudeatzaileak, edo merkataritza elektronikoko negozioren bat daukaten eta hura hobetu nahi dutenak.
- Interneterako jauzia egiten ari diren edo epe ertainera egitea aurreikusten duten negozio fisikoen jabeak edo haietako langileak.
- Merkataritza elektronikoaren inguruan lan egiten duten edo horretan espezializatzen ari diren profesionalak: marketerrak, teknikariak, web-kudeatzaileak...
- Merkatu nazionalera eta/edo nazioartekora iristeko ikuspegia duten merkataritza elektronikoko jabeak
Informazio gehigarria
Jardunaldi hau merkataritza elektronikoaren kudeaketari lotuta egin den prestakuntza-ibilbideko proposamen bat da eta beste ekitaldi hauek ere ibilbide horren barruan daude:
- Nola definitu zure merkataritza elektronikoaren negozio-estrategia
- Negozio-estrategiatik praktikara: nola diseinatu zure merkataritza elektronikoaren emaitzen kontua
- Merkataritza elektronikorako marketina: nola landu gure ADS estrategia
- Merkataritza elektronikorako marketina: nola definitu eta ebaluatu gure SEO estrategia
- Sare sozialak merkataritza elektronikoan
- Nola jarri ikusgai eta saldu AMAZONen
- Merkataritza elektronikoan leialtze-estrategia
- Ordaintzeko bitartekoak eta pasabideak merkataritza elektronikoan
- Logistika eta nazioartekotzea merkataritza elektronikoan
- Merkataritza elektronikorako web-analitika
- Merkataritza elektronikoaren funtsezko alderdi juridikoak
- Ecommerce Managers. Offline izatetik online izatera pasatzeko egin duten bilakaeraren berri emango dute EAEko hiru saltokik
Ibilbide horretan enpresa ezberdinetako 14 profesionalek parte hartzen dute, guztiak Ecommerceko proiektuetan aktibo.
Koordinatzailea
Amaia García Dosouto, No te pierdas en las redes.
